BHARATHI MAT HR SEC SCHOOL, INDIAN BANK COLONY, K.K.NAGAR ROAD, TRICHY-21, 0431-2456583, 9944966826.
Thursday, 25 June 2026
தமிழர் பண்பாட்டில் ஓரையான் உடுக்கணத்தின் பதிவுகள்
இரவு வானில் வைரங்களாக மின்னும் விண்மீன்கள் பார்ப்போரைக் கவரும் வகையில் அமைந்த உடுக்கணங்களில் முதன்மையானது ஓரையான் உடுக்கணம் (Orion Constellation) ஆகும். விண்மீன்களை எளிதில் அடையாளம் காண ஏதுவாக, அவற்றை வெவ்வேறு விண்மீன் தொகுதிகளாகப் பிரித்து, கற்பனையான வடிவங்களை வழங்கி உடுக்கணங்களாக அறிகிறோம். சர்வதேச வானியல் ஒன்றியம் (IAU) மொத்தம் எண்பத்து எட்டு (88) உடுக்கணங்களை அங்கீகரித்துள்ளது. அவற்றில், சூரியப் பாதையில் இயங்கும் பன்னிரண்டு உடுக்கணங்களை நாம் இராசிகள் (Zodiacal Constellations) என்கிறோம்.
பொதுவாக, உடுக்கணங்களில் சில வடிவத்தால் பெரிதாகவும், தங்களின் பெயருக்கேற்ற தோற்றத்துடனும் திகழ்பவை. அவற்றுள் ஓரையானுக்குத் தனிச்சிறப்பான இடமுண்டு. வான் நோக்குபவர்களுக்குத் தொடக்கத்திலேயே எளிதாகக் கண்டறியக் கூடியதாகவும், காண்பவரின் கவனத்தை ஈர்க்கக் கூடியதாகவும் இவ்வுடுக்கணம் விளங்குகிறது. குளிர்கால வானை அலங்கரிக்கும் இவ்வுடுக்கணத்தின் வேட்டைக்காரன் தோற்றமும், பொலிவுமிக்க திருவாதிரை (Betelgeuse), ரைஜல் (Rigel) ஆகிய முதலாம் தரப் பொலிவெண் கொண்ட விண்மீன்களும் பார்ப்பவர்களின் ஆர்வத்தைத் தூண்டக்கூடியவை.
1. மேற்கத்திய மரபும் வான் வழிகாட்டியும்
மேற்கத்திய கிரேக்கர்கள் இவ்வுடுக்கணத்தை ஒரு வேட்டைக்காரனாகப் (Hunter) பார்த்தார்கள். வேட்டைக்காரன் ஒருவன் தனது வலக்கையில் தடியொன்றைத் தூக்கியவாறும், இடக்கையில் கேடயத்தை ஏந்தியவாறும் நின்றுள்ள தோற்றத்தை வானில் எளிதில் காணலாம். நேர்கோட்டில் வரிசையாக இருக்கும் மூன்று விண்மீன்கள் வேட்டைக்காரனின் இடுப்புப் பகுதியை (Orion's Belt) உணர்த்துகின்றன. அந்த இடுப்புப் பகுதியிலிருந்து கத்தி ஒன்று தொங்கிக்கொண்டிருப்பதைப் போன்ற தோற்றத்தில், மங்கலான விண்மீன்கள் புகைபோலக் காட்சியளிக்கும். இதுவே புகழ்பெற்ற ஓரையான் வான்முகில் (Orion Nebula - M42) ஆகும்.
ஓரையானைக் கொண்டு வான்மண்டலத்தின் மற்ற விண்மீன்களையும் உடுக்கணங்களையும் எளிதாக அடையாளம் காண முடியும் என்பதால், இது வானின் சிறந்த வழிகாட்டியாகப் பயன்படுகிறது:
ஓரையானின் பெல்லாட்ரிக்ஸ் (Bellatrix) மற்றும் பீட்டில்ஜுஸ் (Betelgeuse) விண்மீன்களை இணைத்து அக்கோட்டை நீட்டினால், அது புரோசியான் (Procyon) விண்மீனை அடையும்.
அவனது இடுப்பிலுள்ள மூன்று விண்மீன்களை இணைத்து ஒரு நேர்க்கோடு வரைந்தால், அக்கோட்டின் இடப்புற நீட்சி சிரியஸையும் (Sirius), வலப்புற நீட்சி அல்டிபெரானையும் (Aldebaran - ரோகிணி) நோக்கிச் செல்லும்.
இடுப்பு விண்மீன்களில் வலது கோடியிலுள்ள விண்மீனிலிருந்து 'ரைஜல்' வழியே கோடு வரைந்தால், அக்கோடு 'அக்கிர்னர்' (Achernar) என்ற விண்மீனை அடையும்.
இடக்கோடியிலுள்ள விண்மீனிலிருந்து 'சைப்' (Saiph) வழியே கோடு வரைந்தால், அக்கோடு 'கேனபஸ்' (Canopus - அகஸ்தியர் விண்மீன்) எனும் விண்மீனை அடையும்.
இடுப்புக் கச்சையிலிருந்து ‘பெல்லாட்ரிக்ஸ்' வழியே செல்லும் கோடு ஆரைகா (Auriga) உடுக்கணத்தில் உள்ள 'காப்பெல்லாவை' (Capella) அடையும்.
இடுப்புக் கச்சையிலிருந்து 'பீட்டில்ஜுஸ்' வழியே செல்லும் கோடு மிதுன ராசியின் 'கேஸ்டர்' (Castor), 'பொலக்ஸ்' (Pollux) விண்மீன்களை அடையும்.
இவ்வாறு வானின் மற்ற உடுக்கணங்களையும், விண்மீன்களையும் அடையாளம் காண உதவுவதால், ஓரையான் வானின் "கலங்கரை விளக்கமாக" திகழ்கிறது. கிரேக்கப் புராணக் கதைகளிலும் ஓரையானுக்கு மிக முக்கியமான இடமுண்டு.
2. நடராஜர் வடிவமும் பிரபஞ்ச நடனமும்
கிரேக்கக் கதைகளில் ஓரையான் ஒரு வேட்டைக்காரனாகக் கூறப்பட்டுள்ள நிலையில், தமிழ் மரபில் இவ்வுடுக்கணம் பல்வேறு இறைவடிவங்களாக உருவகப்படுத்தப்பட்டுள்ளது. குறிப்பாக, ஓரையான் உடுக்கணத்தின் தோற்ற அமைப்பிலிருந்தே சிவபெருமானின் ஒரு வடிவமான நடராஜர் திருவுருவம் வடிவமைக்கப்பட்டது.
இவ்வுடுக்கணத்தின் இரு தோள்களுக்கு இரு விண்மீன்கள், இரு கால்களுக்கு இரு விண்மீன்கள், இடுப்பில் அமையும் மூன்று விண்மீன்கள் என மொத்தம் ஏழு முதன்மை விண்மீன்களும் இணைந்து வானில் ஒரு உடுக்கை (Damaru) வடிவத்தை ஏற்படுத்துகின்றன. இதனைச் சுற்றியுள்ள மற்ற விண்மீன்களுடன் சேர்த்துப் பார்க்கும்போது, வலக்காலை ஊன்றி, இடக்காலைத் தூக்கியபடி நடனமாடும் காட்சி புலப்படும். இதையே சிவனின் பிரபஞ்ச நடனம் (Cosmic Dance) என்பார்கள்.
நடராஜரின் இடத்தோளில் தெரியும் செந்நிற விண்மீனே திருவாதிரை (Betelgeuse) ஆகும். இத்திருவாதிரை வடமொழியில் 'ஆருத்ரா' என அழைக்கப்படுகிறது. ஓரையான் உடுக்கணம் இரவு வானில் மிக உயர்ந்து உச்சிக்குக் காணப்படும் மார்கழி மாதத்தில் தான், சிவாலயங்களில் புகழ்பெற்ற "ஆருத்ரா தரிசனம்" மற்றும் நடனத் திருவிழாக்கள் நடைபெறுகின்றன. நடராஜர் சிலாரூபங்களைச் சுற்றிக் காணப்படும் 'திருவாசி' (Aureole) என்பது, ஓரையான் உடுக்கணத்தைச் சுற்றியுள்ள விண்மீன் கூட்டங்களின் பேரொளிப் பரவலாகும். சிவபெருமானின் கையில் இருக்கும் உடுக்கை ஆயுதமும் இவ்வுடுக்கணத்தின் உடுக்கை வடிவ அமைப்பிலிருந்து பெறப்பட்டதே ஆகும்.
முயலகன் அரக்கன் தொடர்பு
நடராஜர் திருவுருவத்தில் இடது காலின்கீழே ஒரு சிறிய மனித உருவம் மிதிபட்டுக் கிடப்பதைக் காணலாம். இவனை அகந்தைக் கொண்ட 'முயலகன்' என்ற அரக்கன் என்று கூறுவர். இந்த அமைப்பிற்கு 'முயல்' என்ற பெயர் வரக் காரணம் என்னவெனில், ஓரையான் உடுக்கணத்திற்குச் சரியாகக் கீழே தெற்குப் பகுதியில் ஒரு சிறிய விண்மீன் கூட்டம் அமைந்துள்ளது. நவீன வானியலில் இதற்கு முயல் உடுக்கணம் (Lepus Constellation) என்று பெயர். வான்மண்டலத்தில் ஓரையான் (சிவன்) வடிவிற்கு நேர் கீழே முயல் உடுக்கணம் அமைந்திருப்பதாலேயே, நமது முன்னோர்கள் அதைச் சிவனின் காலடியில் மிதிப்படும் 'முயலகன்' அரக்கனாக உருவகித்துச் சிற்பக்கலையில் வடித்தனர்.
3. காலபைரவர் தோற்றம்
சிவனின் மற்றொரு வடிவமான காலபைரவரும் ஓரையான் உடுக்கணத்தின் தோற்ற அமைப்பிலிருந்து உள்வாங்கப்பட்ட வடிவமே ஆகும். காலபைரவரின் சிற்பத் தோற்றம் நின்றபடியிருக்கும் மனித உருவத்தையும், அவரது காலுக்கு அருகில் ஒரு நாயையும் கொண்டதாக இருக்கும். ஆன்மீகக் குறியீட்டில் நாய் அங்கு இடம்பெறக் காரணம் ஒரு வானியல் நிகழ்வே ஆகும்.
ஓரையான் உடுக்கணத்தின் அருகே கிழக்குத் திசையில் அமைந்துள்ள விண்மீன் கூட்டம் பெருநாய் உடுக்கணம் (Canis Major Constellation) ஆகும். பெயருக்கேற்றவாறு நாய் ஒன்றின் வடிவ போலவே காட்சியளிக்கும் இவ்வுடுக்கணத்தில்தான், இரவு வானின் மிகப்பொலிவான விண்மீனான சிரியஸ் (Sirius) அமைந்துள்ளது. இதில் சிரியஸ் விண்மீன் நாயின் தலையாகவும், மற்ற விண்மீன்கள் முன்னங்கால்கள் மற்றும் பின்னங்கால்களாகவும் அமைந்து, நாய் ஒன்று நடந்து வருவது போன்ற தோற்றத்தைத் தரும்.
வானில் ஓரையான் வடிவமானது நாயுடன் வேட்டைக்குச் செல்வது போலவும், காலுக்கு அருகே முயல் இருப்பது போலவும் அமைந்திருந்ததால் கிரேக்கர்கள் ஓரையானை வேட்டைக்காரனாகக் கருதினர். ஆனால் தமிழர்களோ, ஓரையானுக்கு அருகே இருக்கும் பெருநாய் வடிவத்தைச் சேர்த்து, அதற்குச் சிவபெருமானின் 'காலபைரவர்' என்ற திருவுருவத்தை வழங்கினர். 'பைரவர்' என்றாலே நாயை வாகனமாகக் கொண்டவரைக் குறிக்கும். இதனுடன் 'கால' என்ற முன்னொட்டு ஏன் வந்தது எனில், தமிழ் மொழியில் 'ஓரை' என்பது காலத்தை அளக்கும் முதன்மை அலகுகளுள் ஒன்றாகும். ஓரை என்பது காலத்தைக் குறிக்கும் சொல் என்பதால், இவ்வுடுக்கணத் தொடர்பால் 'காலபைரவர்' என்ற திருநாமம் உருவானது.
4. கங்காதரர் மூர்த்தியும் பால்வீதியும்
கங்காதேவியைத் தனது சடைய முடியில் தாங்கியிருக்கும் சிவனின் வடிவமான கங்காதரர் சிற்பப் பல கோயில்களில் செதுக்கப்பட்டுள்ளது. குறிப்பாகக் காஞ்சிபுரம் கைலாசநாதர் கோயில், திருச்சி மலைக்கோட்டையிலுள்ள பல்லவர் கால மேல்குடைவரைக்கோயில் ஆகியவற்றில் கங்காதரரின் அற்புதமான சிற்பங்களைக் காணலாம். இச்சிற்பங்களில் கங்காதரரின் காலுக்குக் கீழ் முயலகனும் (Lepus), அருகில் பைரவரும் இருப்பதுடன், அவரது இடப்புறத்தில் சற்று மேலே ஒரு நாய் காட்டப்பட்டிருக்கும். அந்த நாய் அங்குச் சிற்பமாக வடிக்கப்பட வான்மண்டல அமைப்பே காரணமாகும்.
ஓரையான் உடுக்கணத்திற்கு கிழக்கே சற்றுத் தள்ளி, பெருநாய் உடுக்கணத்திற்கு மேலே ஒரு சிறிய விண்மீன் தொகுதி உள்ளது. இது சிறிய நாய் உடுக்கணம் (Canis Minor Constellation) என அழைக்கப்படுகிறது. இதில் உள்ள மிகப்பொலிவான விண்மீன் புரோசியான் (Procyon) ஆகும். இந்தச் சிறிய நாய் உடுக்கணத்தின் குறியீடே கங்காதரர் சிற்பத்தில் மேல் பகுதியில் நாயாகக் காட்டப்பட்டுள்ளது.
கங்கையைச் சூடிய வானியல் இரகசியம்
சிவன் கங்காதேவியை ஏன் தலையில் சூடியுள்ளார் என்ற புராணக் கதைக்கு விடை நமது விண்மீன் மண்டலத் தோற்றத்தில் உள்ளது. நமது சூரியக் குடும்பம் பால்வீதி (Milky Way Galaxy) எனும் சுருள் வடிவ அண்டத்தினுள் இயங்குகிறது. நாம் இந்த அண்டத்தின் உள்ளே இருப்பதால், அதன் முழுமையான சுருள் வடிவத்தை பூமியிலிருந்து பார்க்க இயலாது. ஆனால், அதன் குறுக்குவெட்டுத் தோற்றத்தைக் காண முடியும். இரவு வானில் உற்றுநோக்கினால், புகை போன்ற எண்ணற்ற விண்மீன்களுடன் தெற்கிலிருந்து வடக்காக ஒரு மலைப்பாம்பு படுத்திருப்பது போல இப்பால்வீதி காட்சியளிக்கும்.
இதன் வெண்ணிறப் புகை போன்ற தோற்றத்தைக் கண்ட மேலை நாட்டினர், வான்மண்டலத்தில் பால் கொட்டிக்கிடப்பதாக எண்ணி 'Milky Way' எனப் பெயரிட்டனர். ஆனால், நம் தமிழ் முன்னோர்களோ அவ்வெண்ணிறக் காட்சியை வான்வெளியில் 'கங்கை ஆறு' ஓடுவதாகக் கற்பனை செய்தார்கள்.
பூமியிலிருந்து பார்க்கும்போது பால்வீதி இரு நிலைகளில் தெளிவாகக் காட்சியளிக்கும். ஒன்று கோடைக்காலத் தோற்றம் (மிகவும் பொலிவான பகுதி), மற்றொன்று குளிர்காலத் தோற்றம். இவற்றில் பால்வீதியின் குளிர்காலத் தோற்றப் பகுதி, வான்மண்டலத்தில் சரியாக ஓரையான் உடுக்கணத்தின் தலைப்பகுதிக்கு மேலாகக் கடந்து செல்கிறது. வானில் ஓரையான் வடிவத்தைச் சிவனாகவும், அதன் தலைக்கு மேல் செல்லும் பால்வீதியை வான் கங்கையாகவும் தமிழர்கள் உருவகித்ததால், சிவபெருமான் கங்காதேவியைத் தனது தலைமுடியில் சூடியுள்ளதாகக் 'கங்காதரர்' தொன்மம் உருவானது.
5. முக்கண்ணன் (மிருகசீரிடம்)
சிவபெருமானுக்கு நெற்றிக்கண் உள்ளதால் அவருக்கு 'முக்கண்ணன்' என்ற பெயர் வழங்கப்படுகிறது. நெற்றியில் கண் இருப்பதாகக் கூறப்பட்டதன் பின்னணியிலும் ஒரு வானியல் அவதானிப்பு உள்ளது.
ஓரையான் உடுக்கணத்தின் தலைப்பகுதியில் அமைந்துள்ள விண்மீன் தொகுதி மிருகசீரிடம் (Meissa) ஆகும். இதனைத் தமிழ் மரபில் 'மான்றலை' என்று அழைப்பார்கள். இந்த விண்மீன் பகுதியை உற்று நோக்கினால், அங்கு மூன்று விண்மீன்கள் மிக நெருக்கமாக அமைந்திருப்பது தெரியும். இம்மூன்று விண்மீன்களும் பார்ப்பதற்குத் தேங்காயில் உள்ள மூன்று கண்களைப் போலவே காட்சியளிக்கும். இதனைப் பழங்கால வானியல் பாடல் ஒன்று பின்வருமாறு விவரிக்கிறது:
"மான்றலை மூன்றும் தேங்காய்க்கனிபேர் ஆன்ற சிங்கத்தைந்தேகாலே..."
இப்பாடலின் மூலம், இம்மான்றலை (மிருகசீரிடம்) விண்மீன் இரவு வானின் உச்சிக்கு (Zenith) வரும் வேளையில், கிழக்குத் தொடுவானில் சிம்ம ராசி உதித்து ஐந்தேகால் நாழிகை ஆகியிருக்கும் என்ற வானியல் கணக்கீட்டையும் நமது முன்னோர்கள் துல்லியமாகக் கணித்துள்ளனர். சூரிய வீதியில் இயங்கும் பன்னிரண்டு இராசி உடுக்கணங்களில் ஓரையான் ஒரு இராசியாக இடம்பெறவில்லை எனினும், மிருகசீரிட விண்மீன் ஓரையான் உடுக்கணத்தின் ஒரு பகுதியாக இருப்பதால், சாதகம் கணிக்கும்போது அது ரிஷப (காளை) இராசிக்குரிய விண்மீனாகக் கருதப்படுகிறது.
6. உமையொருபாகன் / அர்த்தநாரீஸ்வரர்
சிவபெருமான் தனது உடலின் இடப்பாகத்தைத் தனது இணையரான உமையாளுக்கு வழங்கி 'உமையொருபாகனாக' அல்லது 'அர்த்தநாரீஸ்வரராக' விளங்குவதாகப் புராணங்கள் கூறுகின்றன. இத்தத்துவ வடிவமும் ஓரையானின் வான் தோற்றத்திலிருந்து உள்வாங்கப்பட்டதே ஆகும்.
ஓரையான் உடுக்கணத்தின் முதன்மை விண்மீன்கள் உருவாக்கும் 'உடுக்கை' வடிவத்தை இரு பாகங்களாகப் பிரித்தால், நமக்கு இரண்டு முக்கோண வடிவங்கள் கிடைக்கும்:
மேல்நோக்கிய முக்கோணம் (▲): இது ஆண் தன்மையைக் குறிக்கும் குறியீடாகும் (சிவம்).
கீழ்நோக்கிய முக்கோணம் (▼): இது பெண் தன்மையைக் குறிக்கும் குறியீடாகும் (சக்தி / உமை).
குறியீட்டு மரபில் (Symbolism) பிரபஞ்சத்தின் ஆண் மற்றும் பெண் ஆற்றல்களின் இணைவை உணர்த்தும் இந்த இரு முக்கோணங்களின் வடிவமே, வான்மண்டல ஓரையான் உடுக்கையிலிருந்து அர்த்தநாரீஸ்வரர் என்ற உன்னதமான தத்துவ வடிவமாகத் தமிழ் மரபில் மலர்ந்தது.
மேற்கண்ட வானியல் சான்றுகளிலிருந்து, நமது முன்னோர்கள் இரவு வானை ஆழமாக உற்று நோக்கி, விண்மீன் உடுக்கணங்களின் வடிவங்களிலிருந்து தங்களின் கடவுளர்களுக்கான சிற்பக் கலை வடிவங்களையும் தத்துவங்களையும் செதுக்கத் தங்களின் உன்னதமான வானியல் அறிவைப் பயன்படுத்திக் கொண்டனர் என்பதைத் திண்ணமாக அறியலாம்.
தமிழர் பண்பாட்டில் ஓரையான் உடுக்கணத்தின் பதிவுகள்
இரவு வானில் வைரங்களாக மின்னும்விண்மீன்கள் பார்ப்பவர்களைக் கவரும் உடுகணங்களில் முதன்மையானது ஓரையான் உடுகணம். இவற்றை எளிதில் அடையாளம் காண அவற்றைப் பலதொகுதிகளாகப் பிரித்து அவற்றிற்குக் கற்பனையான வடிவம் கொடுத்து உடுக்கணங்களாக(Constellation) அறிகிறோம். உலக வானியல் கழகம் (IAU) எண்பத்து எட்டு உடுக்கணங்களைஅங்கீகரித்துள்ளது. அவற்றில் சூரியப் பாதையில் பன்னிரண்டு உடுக்கணங்கள் இயங்குகின்றன. அவற்றையே இராசிகள்(Zodiacal Constellations) என்கிறோம். உடுக்கணங்களில் சில பெரிதாகவும்,பெயருக்கேற்றவாறான தோற்றத்திலும் இருப்பவை. இவற்றில் ஓரையானுக்குச் சிறப்பிடம்உண்டு. வான் நோக்குபவர்களுக்கு ஆரம்பத்தில் எளிதாகக் கண்டுக்கொள்ளக் கூடியதும்,பார்ப்பவர்களின் கருத்தைக் கவரக் கூடியதுமான உடுக்கணம் ஓரையான் ஆகும். குளிர்காலவானை அலங்கரிக்கும் இவ்வுடுக்கணத்தின் வேட்டைக்காரன் தோற்றமும், பொலிவுமிக்கதிருவாதிரை (Betlegeuse) ரைஜல் (Rigel) ஆகிய முதல்தர பொலிவெண் கொண்ட விண்மீன்களும்பார்ப்பவர்களின் ஆர்வத்தைத் தூண்டக் கூடியவைகளாக உள்ளன.
கிரேக்கர்கள் இவ்வுடுக்கணத்தைவேட்டைக்காரனாகப் பார்த்தார்கள். வேட்டைக்காரன் ஒருவன் தனது வலக்கையில்தடியொன்றைத் தூக்கியவாறும் இடக்கையில் கேடயத்தை ஏந்தியவாறும் நின்றுள்ள தோற்றத்தைவானில் எளிதில் காணலாம். வரிசையாக இருக்கும் மூன்று விண்மீன்கள் வேட்டைக்காரனின்இடுப்புப் பகுதியைச் சுட்டும். இடுப்பிலிருந்து கத்தி தொங்கிக்கொண்டிருப்பதைப்போன்று மங்கலான விண்மீன்கள் புகைபோல் காட்சியளிக்கும். இதுவே புகழ்பெற்ற ஓரையான்வான்முகில் (Orion Nebula-M42) ஆகும்.
ஓரையானைக் கொண்டு மற்ற விண்மீன்களையும்உடுக்கணங்களையும் அடையாளம் காண முடிவதால் இது வானில் மற்ற உடுக்கணங்களைஅறிந்துகொள்ள பயன்படுகிறது. ஓரையானின் பெல்லாட்ரிக்சையும், பீட்டில்ஜுஸையும்இணைத்து அக்கோட்டை நீட்டினால் அக்கோடு புரோசியானை அடையும். அவனது இடுப்பிலுள்ளமூன்று விண்மீன்களையும் இணைத்து ஒரு கோடு வரைந்தால் அக்கோட்டின் இடப்புறம்'சிரியஸை' நோக்கியும், வலப்புறம் 'அல்டிபெரானை' நோக்கியும் இருக்கும்.இடுப்பிலுள்ள மூன்று விண்மீன்களில் வலது கோடியிலுள்ள விண்மீனிலிருந்து ‘ரைஜல்’ வழியே கோடு வரைந்தால் அக்கோடு ‘அக்கிர்னர்' என்றவிண்மீனையும், இடக்கோடியிலுள்ள விண்மீனிலிருந்து 'சைப்' வழியே கோடு வரைந்தால்அக்கோடு 'கேனபஸ்' எனும் விண்மீனையும் அடையும். இடுப்புக் கச்சையிலிருந்து‘பெல்லாட்ரிக்ஸ்' வழியே செல்லும் கோடு ஆரைகா உடுக்கணத்தில் 'காப்பெல்லாவையும்'இடுப்புக் கச்சையிலிருந்து 'பீட்டில்ஜுஸ்' வழியே செல்லும் கோடு 'கேஸ்டர்''பொலாக்ஸை'யும் அடையும். இவ்வாறு வானின் மற்ற உடுக்கணங்களையும், விண்மீன்களையும்அடையாளம் காண உதவுவதால் ஓரையான் வானின் கலங்கரை விளக்கமாக திகழ்கிறது. கிரேக்கப்புராணக்கதைகளில் ஓரையானுக்கு முக்கியமான இடமுண்டு.
நடராஜர்
கிரேக்கக் கதைகளில் ஓரையான் ஒருவேட்டைக்காரனாகக் கூறப்பட்டுள்ள நிலையில் தமிழ் மரபில் ஓரையான் பல்வேறுகடவுளர்களாக உருவகப்படுத்தப்பட்டுள்ளது. நடராஜர் ஓரையான் உடுக்கணத்தின்தோற்றத்திலிருந்து சிவனின் ஒரு வடிவமான நடராஜருக்கு உருவத்தைக் கொடுத்தனர். இரு தோள்களுக்கு இருவிண்மீன்கள், இரு கால்களுக்கு இருவிண்மீன்கள், இடுப்பில் மூன்று விண்மீன்கள் ஆக ஏழு விண்மீன்களும் சேர்ந்து ஒருஉடுக்கை வடிவத்தை ஏற்படுத்தும். மற்ற விண்மீன்களுடன் சேர்த்துப் பார்க்கும்போதுவலக்காலை தூக்கியபடி நடனமாடும் காட்சி தெரியும். இதையே சிவனின் பிரபஞ்ச நடனம்(Cosmid Dance) என்பார்கள். இடத் தோளில் தெரியும் சிவப்பு நிற விண்மீன் திருவாதிரை(Betlegeuse) ஆகும். 'திருவாதிரை' வடமொழியில் 'ஆருத்ரா' என அழைக்கப்படுகிறது.ஓரையான் வானில் உயர்ந்து காணப்படும் மார்கழி மாதங்களில் சிவாலயங்களில் ஆருத்ராநடனம் எனும் நிகழ்ச்சி நடைபெறுகிறது. நடராஜரைச் சுற்றிக் காணப்படும் திருவாசிகள்ஓரையான் உடுக்கணத்தைச் சுற்றியுள்ள விண்மீன்களாகும். நடராஜரின் இடதுகாலுக்குக்கீழே சிறிய மனித உருவம் இருக்கும். இதை முயலகன் என்ற அரக்கன் என்று கூறுவார்கள்.முயலகன் என்ற அகந்தைக் கொண்ட அரக்கனைச் சிவன் அடக்கியதாகக் கூறுவார்கள். இங்கே முயல் என்ற பெயர் வரக்காரணம்என்ன? ஓரையான் உடுக்கணத்திற்குக் கீழேசிறிய உடுக்கணம் ஒன்று உள்ளது. அந்த உடுக்கணத்தின் பெயர் முயல் (Lepus) ஆகும்.ஓரையான் உடுக்கணம் சிவனாகக் கொள்ளப்பட்டதால் அதற்குக் கீழே உள்ள முயல் உடுக்கணம்முயலகனாக உருவகப்படுத்தப்பட்டுள்ளது. சிவனுக்கு உடுக்கையும் இவ்வுடுக்கணத்தின்உடுக்கை வடிவத்திலிருந்து கொடுக்கப்பட்டதுதான்.
காலபைரவர்
சிவனின் மற்றொரு உருவமான காலபைரவரும் ஓரையான் உடுக்கணத்தின் தோற்றத்திலிருந்து உள்வாங்கப்பட்டதுதான்.காலபைரவரின் தோற்றம் நின்றபடியிருக்கும் மனித உருவமும், கீழே காலுக்கருகில் நாய்ஒன்றுடன் இருக்கும். நாய் அங்கு வரக்காரணம் என்ன? ஓரையான் உடுக்கணத்தின் அருகேகிழக்குத் திசையில் உள்ள ஒரு உடுக்கணம் பெருநாய் உடுக்கணம் (Canis MajorConstellation). பெயருக்கு ஏற்றவாறு நாய் ஒன்றின் வடிவிலேயே காணப்படும்இவ்வுடுக்கணத்தில்தான் முதல் பொலிவுமிக்க விண்மீனான சிரியஸ் (Cirius) உள்ளது.சிரியஸ் நாயின் தலையாகவும் மற்ற விண்மீன்கள் முன்னங்கால்கள், பின்னங்கால்களாகவும்பார்ப்பதற்கு நாய் நடந்து வருவதைப் போலவே காட்சியளிக்கும். ஓரையான் நாயுடன்செல்வதுபோலவும் காலுக்கருகே முயல் இருப்பதாலும் கிரேக்கர்கள் ஓரையானைவேட்டைக்காரனாக உருவகப்படுத்தினார்கள். தமிழர்களோ ஓரையானுக்கு அருகே இருக்கும்நாயுடன் சேர்த்துக் காலபைரவர் என்ற உருவத்தைச் சிவனுக்கு வழங்கினர். பைரவர்என்றால் நாயைக் குறிக்கும் சொல் 'கால' என்ற முன்னொட்டு ஏன் வரவேண்டும்? ஓரை என்பதுகாலத்தை அளக்கும் அலகுகளுள் ஒன்று. அது காலத்தைக் குறிக்கும் சொல்லாதலால் காலபைரவர்என்று பெயர் உண்டாகியிருக்கிறது.
கங்காதரர்
கங்காதேவியை தனது தலையில் கொண்டசிவனின் ஒரு உருவமான கங்காதரரைப் பல கோயில்களில் காணலாம். காஞ்சிபுரம் கைலாசநாதர்கோயில், திருச்சி மலைக்கோட்டையிலுள்ள மேல்குடைவரைப் பல்லவர் கோயில் ஆகிய இடங்களில்கங்காதரரின் சிற்பங்களைக் காணலாம். கங்காதரரின் காலுக்குக் கீழ் இருக்கும்முயலாரும் பைரவரும் ஏன் உள்ளனர் என நமக்குத் தெரியும். கங்காதரரின் இடப்புறத்தில்சற்று மேலே நாய் ஒன்று காட்டப்பட்டிருக்கும். அந்த நாய் அங்குக் காட்டப்பட வானில்தோன்றும் உடுக்கணங்கள்தான் காரணம். ஓரையான் உடுக்கணத்திற்கு கிழக்கே சற்றுத் தள்ளிஒரு சிறிய உடுக்கணம் நாயின் வடிவில் உள்ளது. இது சிறிய நாய் உடுக்கணம் (CanisMinor Constellation) ஆகும். இதில் உள்ள பொலிவுமிக்க விண்மீன் புரோசியான்(Prociyan) இந்தச் சிறிய நாய் உடுக்கணமே கங்காதரர் சிற்பத்தில் மேலே நாயாகக்காட்டப்பட்டுள்ளது. கங்காதரர் என்றால் கங்காதேவியை தலையில் கொண்டவர் என்று பொருள்.சிவன் கங்காதேவியைஏன் தலையில் கொண்டுள்ளார்? கங்கா தேவி யார்? அவர் ஏன் சிவனின்தலைக்கு மேலே காட்டப்பட்டுள்ளார்? நமது பூமி சூரியக் குடும்பத்தில்இயங்குகிறது. நமது சூரியக் குடும்பம் பால்வீதி (Milkyway Galaxy) எனும் அண்டத்தில் இயங்குகிறது. சுருள் வடிவிலான பால்வெளிஅண்டத்தினுள் நாம் இருக்கிறோம். அதனால் அதன் முழுத்தோற்றமான சுருள் வடிவைபூமியிலிருந்துக் காண இயலாது. ஆனால், அதன் குறுக்கு வெட்டுத் தோற்றத்தைக் காணலாம்.இது பார்ப்பதற்கு அற்புதமான காட்சியாகும். புகைபோல எண்ணற்ற விண்மீன்களுடன்தெற்கிலிருந்து வடக்காக ஒரு மலைப்பாம்பு படுத்திருப்பதுபோலக் காட்சியளிக்கும்.இதன் புகைபோன்ற தோற்றத்தை மேலை நாட்டினர் வானில் பால் கொட்டிக்கிடப்பதைப் போலஇருப்பதாக எண்ணி பால்வீதி (Milkyway) எனப் பெயரிட்டனர். தமிழர்களோவெண்ணிறக்காட்சியை வானில் கங்கை ஆறு ஓடுவதைப்போல கற்பனைச் செய்தார்கள். நமது பூமிஒரு சுருள் வடிவ அண்டத்தினுள் உள்ளதால் அந்த அண்டமான பால்வீதியின் குறுக்குவெட்டுத் தோற்றத்தை இருபுறங்களிலில் இருந்தும் பார்க்கலாம். பூமியிலிருந்து பார்க்கும்போதுபால்வீதி இரு நிலைகளில் காட்சியளிக்கும். ஒன்று குளிர்காலத் தோற்றம் மற்றதுகோடைக்காலத் தோற்றம். இவற்றில் கோடைக் காலத்தில் தோன்றும் தோற்றம் மிகவும்பொலிவானது. குளிர்காலத் தோற்றம் சற்றுப் பொலிவு குறைவானது. பால்வீதியின்குளிர்காலத் தோற்றம் ஓரையானின் தலைக்கு மேலே செல்கிறது. ஓரையான் சிவனாகவும்,பால்வீதி கங்காதேவியாகவும் கொள்ளப்பட்டிருப்பதாலும், பால்வீதி ஓரையான் தலைக்குமேலே செல்வதாலும், சிவன் கங்காதேவியை தனது முடியில் சூடியுள்ளதாகஉள்வாங்கப்பட்டுள்ளது.
முக்கண்ணன்
சிவனுக்கு நெற்றியில் ஒரு கண்உள்ளதால் அவனுக்கு முக்கண்ணன் என்ற பெயர் சூட்டப்பட்டது. ஏன் நெற்றியில் ஒரு கண்உள்ளதாகக் கூறப்பட்டது? ஓரையான் உடுக்கணத்தில் தலைப்பகுதியில் உள்ள விண்மீன்மிருகசீரிடம் (Meissa) தமிழில் மான்றலை என அழைக்கப்படும். இந்த விண்மீனை உற்றுநோக்கினால் மூன்று விண்மீன்கள் உள்ளது தெரியும். இம்மூன்று விண்மீன்களும்தேங்காயில் உள்ள மூன்று கண்கள் போல இருக்கும் என்பது "மான்றலை மூன்றும் தேங்காய்க்கனிபேர் ஆன்ற சிங்கத்தைந்தேகாலே....." என்ற பாடலில் கூறப்பட்டுள்ளது.மேலும், இப்பாடலிலிருந்து இது உச்சியில் இருக்கும்போது சிங்கராசி உதித்து ஐந்தேகால் நாழிகை ஆகியிருக்கும் என்று தெரிகிறது. சூரிய வீதியில் இயங்கும்உடுக்கணங்களில் பன்னிரண்டு உடுக்கணங்கள் இராசிகள் எனக் கூறப்படுகின்றன. இந்தப்பன்னிரண்டு இராசிகளில் ஓரையான் இடம்பெறவில்லை. ஆனால், மிருகசீரிடம் ஓரையான்உடுக்கணத்தில் இருந்தாலும் சாதகம் கணிக்கும்போது அது காளை (ரிஷப) இராசியில் உள்ளவிண்மீனாகக் கருதப்படுகிறது. மேற்கண்டவற்றிலிருந்து வானை உற்று நோக்கி உடுக்கணங்களிலிருந்து தங்களின் கடவுளர்களுக்கான உருவங்களைக் கொடுக்கத் தங்களின்வானியல் அறிவைப் பயன்படுத்திக் கொண்டனர் எனக் கூறலாம்.
உமையொருபாகன் / அர்த்த நாரீஸ்வரர்
சிவன் தனது இனையர் உமையாளுக்கு தனது உடலில் பத்தியை கொடுத்து உமையொருபாகனாக விளங்குவதாக புராணக் கதைகளில் வருகிறது. இதுவும் ஒரையானின் வான் தோற்றத்திலிருந்து உருவாக்கப்பட்டதுதான். உடுக்கை வடிவத்தை இருபாகங்களாக பிரித்தால் இரு முக்கோணங்கள் கிடைக்கும். ஒன்று மேல்நோக்கியும் மற்றது கீழ்நோகியும் இருக்கும். மேல்நோக்கிய முக்கோணம் ஆணையும், கீழ்நோக்கிய முக்கோணம் பெண்ணையும் குறிப்பது குறியீட்டு மரபாகும். இதிலிருந்து உருவாக்கப்பட்ட புராணக் கதைதான் அர்த்த நாரீஸ்வரர்.
Wednesday, 17 June 2026
தமிழகப் பாறைஓவியங்களில் வானியல் பதிவுகள் – ஓர் ஆய்வு - பாலா பாரதி
தமிழகப் பாறைஓவியங்களில் வானியல் பதிவுகள் – ஓர் ஆய்வு - பாலா பாரதி
முன்னுரை
பழங்காலத்தில் வாழ்ந்த மக்கள் தாங்கள் பார்த்தவற்றில், தங்களைக் கவர்ந்தவற்றில், அச்சுருத்தியவற்றைத் தாங்கள் வசித்த குகையின் பாறைகளில் ஓவியங்களாகத் தீட்டி வைத்தனர். இத்தகைய ஓவியங்களையே பாறைஓவியங்கள் அல்லது குகை ஓவியங்கள் என்கிறோம். பல்லாயிரம் ஆண்டுகளாக இருந்து வரும் இவ்வழக்கம் தற்போதும் தொடர்கிறது. வெள்ளை, சிவப்பு நிறங்களில் அதிக அளவில் காணப்படும் இவ்வோவியங்களில் மனித உருவங்கள், விலங்கின உருவங்கள், வேட்டைக்காட்சிகள், அன்றாடச் செயல்பாடுகள், சடங்குகள், குறியீடுகள், எழுத்துகள், வானியல் தொடர்பானக் குறிப்புகள் காணப்படுகின்றன. மனிதர்களுக்குத் தெரிந்த முதல் அறிவியலான வானியலின் குறிப்புகள் பாறை ஓவியங்களில் கிடைப்பது சிறப்பானதாகும். அவற்றின் விளக்கங்களையும் இக்கட்டுரையில் காண்போம்.
Key words : பாறைஓவியங்கள், வானியல், ஓரையான், உடுக்கணங்கள், Constellation, புலிக்கரடு
முன்னோர்களின் வானியல் அறிவு
சிறந்த வான்நோக்குபவர்களாக விளங்கிய நம் முன்னோர்கள் அவ்வறிவைத் தங்களின் அன்றாட தேவைகளுக்கும் பயன்படுத்தினர். வெயில், மழை, காற்றடிக்கும் காலங்களைக் கோள்களின் இயக்கத்தையும், உடுக்கணங்களின் நிலைகளையும் கொண்டு புரிந்துகொண்டனர். இத்தகைய வான்பொருள்களுக்கு அவர்கள் வைத்த பெயர்களைக் கொண்டு நாம் இவற்றைத் தெரிந்துக் கொள்ளலாம். வியாழன் (Jupiter) என்பது நமது சூரியக்குடும்பத்தின் எட்டுக் கோள்களில் பெரியது. இக்கோள் பெரியது என உணர்ந்து அதற்கு வியாழன் எனப் பெயரிட்டுள்ளனர். வியாழன் என்றால் பெரியது எனப்பொருள்.
வியல்<வியன்<வியாழம்(விசாலம்)< வியாழன் என வேர்ச்சொல் விரியும்.
'வியல்என் கிளவி அகலப் பொருட்டே' (தொல்-உரி.16)
வியாபித்தல் என்றால் பெரிய இடத்தை நிரப்புதல் என்பது கருத்து. திருச்சியில் பெரியமேடு (நெய்தலூர் அருகில்) உள்ள ஒர் ஊரை வியாழமேடு என அழைக்கின்றனர்.
வானில் தோன்றும் விண்மீன்களைப் பல குழுக்களாகப் பிரித்து அவற்றிற்கு கற்பனையான உருவம் கொடுத்து அழைக்கிறோம். இவற்றையே விண்மீன் தொகுதிகள் அல்லது உடுக்கணங்கள் (Constellation) என்கிறோம். வானியலார்கள் மொத்தம் 88 உடுக்கணங்களை வரையறுத்துள்ளனர். அவற்றில் அளவில் பெரிதான உடுக்கணங்களுள் ஒன்று ஓரையான் உடுக்கணம் (Orion Constellation). மனித உருவில் காணப்படும் இந்த உடுக்கணம் வானில் தோன்றும்போது நம் கருத்தைக் கவர்வதாக இருக்கும். ஓரையான் காலுக்கு கீழே முயல் (Lepus), பெருநாய் (Canis Major) எதிரே காளை (Tarus) உடுக்கணங்கள் இருக்கின்றன. அதனால், கிரேக்கர்கள் ஓரையானை வேட்டைக்காரனாக உருவகப்படுத்தினர். தமிழர்களோ
கையில் ஆயுதம் தாங்கிய மனித உருவாகக்கொண்டு, பின்னர் கடவுளர்களின் தோற்றத்திற்கு அதை எடுத்தாண்டனர். நடனமாடும் தோற்றத்தை அதில் கண்டு அத்தோற்றத்தைச் சிவனின் வடிவமான நடராஜருக்கும் கொடுத்தனர். இதை அண்ட நடனம் (Cosmic Dance) என்பர்.
(படம் 1)
நடராஜர் மட்டுமின்றி காலபைரவர், முக்கண்ணன், கங்காதரர் ஆகிய தோற்றங்களும் ஓரையான் உடுக்கணத்திலிருந்து உள்வாங்கப்பட்டன. (ஓரையான் உடுக்கணம் எவ்வாறு நடராஜராகவும், கங்காதாராகவும், காலபைரவராகவும், முக்கண்ணனாகவும் உள்வாங்கப்பட்டது என்பது குறித்து விரிவாகத் தெரிந்துக் கொள்ள நமது கட்டுரையில் படிக்கவும்.
ஓரையான் என்று உலகம் முழுவதும் அழைக்கப்படும் இப்பெயர் தமிழ்பெயர். ஓரை என்றால் காலத்தைக் குறிக்கும் அலகு. இரண்டரை நாழிகை ஒர் ஓரை ஆகும். ஓரை என்ற சொல் வடமொழிக்குச் சென்று ஹோரையாகவும், கிரேக்கத்திற்குச் சென்று ஹோரா என்ற கடவுளின் பெயராகவும் மாறியது. ஹோரா என்றச் சொல் நேரத்தைக் குறிக்கும் Hour என்றச் சொல்லாக மீண்டும் நம்மிடம் வந்துள்ளது. வானில் காணப்படும் உடுக்கணங்களின் தோற்றத்தைத் தங்களின் பண்பாட்டில் கொண்டுள்ள மக்கள் அக்கூறுகளைச் சிற்பங்களில் பதித்தனர். சான்றாகக் காலபைரவர் சிற்பத்தில் சிவனுடன் நாயின் (பைரவர்) உருவத்தையும் காண்கிறோம். மனித உருவில் உள்ள ஓரையான் மற்றும் அதற்குக் கீழே உள்ள நாய் ஆகியவை வானில் தெரியும் ஓரையான் உடுக்கணமும் அதற்குக் கீழே உள்ள பெருநாய் (Canis Major) உடுக்கணமும் ஆகும்.
இன்று நாம் காணும் நடுகல் சிற்பங்களின் தோற்றங்களை நடுகற்களுக்கு முந்தைய நிலையான பாறைஓவியங்களிலிலும் காண்கிறோம். வானில் தெரியும் உடுக்கணங்களின் தோற்றங்களை உள்வாங்கி அவற்றைச் சிற்பங்களாக வடித்தவர்கள் இவற்றின் தோற்றத்தைப் பாறைஓவியங்களிலும் பதிவு செய்து வைத்திருக்க வேண்டுமல்லவா? தாங்கள் உருவகப்படுத்திய கடவுளர்களின் தோற்றத்தைப் பாறைஓவியங்களில் இயல்பாகவே பதிவு செய்து வைத்துள்ளனர். ஆம்.. ஓரையான் உட்பட பல வான்தோற்றங்களைப் பாறைஓவியங்களில் இன்றும் நம்மால் காணமுடியும்.
அவற்றில் சிலவற்றைப் பார்ப்போம்.
புலிக்கரட்டில் வானியல் குறியீடுகள்
மதுரை மாவட்டம், பேரையூர் அருகிலுள்ள புலிக்கரடு என்னும் குகையில் வெள்ளை நிறத்தில் நிறைய ஓவியங்கள் வரையப்பட்டுள்ளன. பாறைஓவியங்கள் ஆய்வாளர் திரு க.த. காந்திராஜன் அவர்கள் இக்குகையில் ஓவியங்கள் உள்ளதைக் கண்டுபிடித்துள்ளார். குகையை கரடு என்றும் அழைப்பர். ஒரு காலத்தில் இங்கே புலி இருந்திருக்க வேண்டும், அதனால் இக்குகையைப் புலிக்கரடு என்கின்றனர். இக்குகையின் சுவரில் புலியொன்றின் உருவம் சிவப்பு நிறத்தில் வரையப்பட்டுள்ளது. இக்குகையின் அமைவிடம் அதிக உயரத்தில் இல்லாமலும், தரைப்பகுதியில் இல்லாமலும் கிழக்கு நோக்கியவாறும் அமைந்துள்ளது. மேலும், இங்கிருந்து பார்க்கும்போது வானின் பெரும்பகுதித் தெளிவாகத் தெரியுமாறும் அமைந்துள்ளது. சுருங்கக் கூறின் வான்நோக்க மிகச்சிறந்த இடம் இக் குகை.
இக்குகையில் தலைக்கு மேலே உள்ள பாறையொன்றில் சூரியன் வரையப்பட்டுள்ளது. ஒளிபொருந்தியது எனக்காட்ட நீண்ட ஒளிக்கதிர்களும் காட்டப்பட்டுள்ளன. அருகில் நிலவின் உருவமும் காட்டப்பட்டு, நிலவு சூரியனைவிட ஒளிக்குறைந்தது எனக்காட்ட சிறிய ஒளிக்கதிர்களும் போடப்பட்டுள்ளன. சூரியனிலிருந்து நிலவை நோக்கி வளைக் கோடு ஒன்றும் போடப்பட்டுள்ளது. இவ்வளைகோட்டுக்குக் குறுக்காகப் பல சிறிய கோடுகளும் வரையப்பட்டுள்ளன. அளவில் சிறியதிலிருந்து சிறிது சிறிதாக நீளம் கூடும் வகையில் பதினைந்து கோடுகள் போடப்பட்டுள்ளன. இன்னும் சரியாகச் சொல்ல வேண்டுமெனில் ஒரு சிறிய கோடு முதன்மைக் கோட்டுடன் இணையாமல் தனியே உள்ளது. இதை அரைக்கோடாகக் கொண்டால் பதினான்கரை வருகிறது. இக்கோடுகள் நிலவின் வளர்பிறை அல்லது தேய்பிறை தோற்றத்தைக் கணக்கிடப் போடப்பட்டிருக்கின்றன. அமாவாசைக்கும் பௌர்ணமிக்கும் இடையே பதினான்கரை நாட்கள் என நமக்குத் தெரியும். மேலும் இந்த நிலவு மறைந்து தேயும் நிகழ்வானது சூரியனின் நிலையினால் என்றும் நமக்குத் தெரியும். நிலவின் தோற்ற வேறுபாடுகளால் ஏற்படும் வான்நிகழ்வுகளை உற்று நோக்கிப் புரிந்துக்கொண்டிருக்கின்றனர். மேலும் அவற்றைத் தாங்கள் வாழ்ந்த குகையில் ஓவியங்களாகப் பதிவும் செய்து வைத்துள்ளனர்.
நிலவின் வளர்பிறை, தேய்பிறை தோற்றங்கள் பல நாட்டுப் பாறைஓவியங்களில் காணப்படுகின்றன. மேலும் ஒர் இடத்தில் பதினைந்து புள்ளிகள் வரிசையாக ஒரே நேர்க்கோட்டில் காட்டப்பட்டுள்ளன. இதுவும் நிலவைக் குறித்த கணக்கீடாக இருக்கலாம்.
(படம் 2) , (படம் 3)
கார்த்திகை விண்மீன் கூட்டம்
நிலவுக்கு அருகே சில புள்ளிகள் கூட்டமாகக் காட்டப்பட்டுள்ளன. ஏழு புள்ளிகள் கொண்ட இக்குழு கார்த்திகை விண்மீன் (Pleiades) கூட்டமாகும். வெறும் கண்களுக்கு நன்றாகத் தெரியும் இக்கார்த்திகை விண்மீன்கள் கார்த்திகைப் பெண்கள் எனப் புராணக் கதைகளும் உள்ளன. தொலைநோக்கி வழியே பார்க்கும்போது இருபதுக்கும் மேற்பட்ட விண்மீன்களைப் பார்க்க முடியும். வெறும் கண்களால் ஆறு, ஏழு விண்மீன்களை நம்மால் பிரித்துக் காணமுடியும். வானம் தெளிவாக இருந்த அக்காலத்தில் அவர்கள் இவற்றை இன்னும் எளிதாகக் கண்டிருப்பர். மழைக்காலத்துடன் தொடர்புடைய கார்த்திகை உடுக்கணத்தின் இந்தப் பதிவு பருவகாலங்களை அறிந்துகொள்வதற்கான முயற்சியாகவும் இருக்கலாம்.
(படம் 4) (இப்படம் நாம் எடுத்தது)
இறைவனை இயற்கையில் கண்டவர்கள்
"வானாகி, மண்ணாகி, வளியாகி, ஒளியாகி, ஊனாகி, உயிராகி, உண்மையுமாய், இன்மையுமாய் எங்கும் நிறைந்திருப்பவனே" (திருவாசகம்)
என்கின்றனர். ஒரு மாதத்தில் உள்ள நாட்களை வானில் தோன்றும் 27 நாள்மீன்களின் பெயர்களால் வழங்கினர். அந்த நாள்விண்மீன்களில் ஒரு நாள்மீன்தான் கார்த்திகை.
கார்த்திகை விண்மீன் கூட்டம் திறந்தநிலைக் கூட்டம் (Open Cluster) ஆகும். நூற்றுக்கணக்கான இளவயது விண்மீன்களைக் கொண்டிருந்த போதிலும் அதிலுள்ள ஏழு விண்மீன்கள் ஒளி பொருந்தியவை. அவற்றை ஆங்கிலத்தில் Seven Sisters என்பர். அதிலும் ஆறு விண்மீன்கள் மிக்க ஒளிபொருந்தியவை. கார்த்திகை குறித்து இலக்கியங்களில் ஏராளமான தகவல்கள் கொட்டிக்கிடக்கின்றன.
கார்த்திகை நாள்மீன் கூட்டம் பெண்கள் காதில் அணியும் மகரக் குண்டலங்களைப் போல் ஒளிநிறைந்ததாய் இருந்தது என்பதை
“கார்த்திகை காதில் கனமகர குண்டலம்போல்
சீர்த்து விளங்கித் திருப்பூத்தல்”
எனப் பரிபாடல் கூறுகிறது.
"அகலிரு விசும்பின் ஆஅல் போல
வாலிதின் விரிந்த புன்கொடி முசுண்டை"
நிலத்தில் பூத்திருந்த முசுண்டைப் பூக்கள் கார்த்திகை விண்மீன் கூட்டம்போல் ஒளி நிறைந்ததாய் மலர்ந்திருந்தன என்று மலைபடுகடாம் கூறுகிகிறது.
’ஆஅல்’ என்னும் சொல் கார்த்திகை என்னும் நாள்மீன் கூட்டத்தைக் குறிப்பதாகும். அழல் என்னும் சொல் கார்த்திகையைக் குறிக்கிறது என்பதனை
'ஆடு இயல் அழல் குட்டத்து' (புறநானூறு 229)
என்ற புறநானூற்றுப் பாடலும் உணர்த்துகிறது.
இவ்வாறாக இலக்கியங்கள் உட்பட பண்பாட்டில் கலந்த கார்த்திகை விண்மீனைப் பாறைஓவியங்களில் பதித்திருப்பது இயல்பே.
இவ்வோவியம் போலவே உடுக்கணங்களைக் குறிக்கும் பாறைஓவியங்கள் வெளிநாடுகளிலும் கண்டுபிடிக்கப் பட்டுள்ளன. பிரான்ஸ் நாட்டில் லாஸ்காஸ் என்னுமிடத்தில் குகையில் இத்தகைய ஓவியம் ஒன்று உள்ளது. இவ்வோவியம் வரையப்பட்ட காலம் 17,000 ஆண்டுகள் என்கிறார்கள்.
(படம் 5)
விண்மீன் கொத்துகள்
புலிக்கரட்டுக் குறியீடுகளில் விண்மீன் கொத்துகளும் உள்ளன. பல புள்ளிகளுடன் வட்டமாகக் காட்டப்பட்டிருக்கும் இவற்றின் முப்பரிமானத் தோற்றம் உருண்டையாகும். இவை கோள விண்மீன் கொத்துகள் (Globular Cluster) வகையைச் சேர்ந்தவை. குகையின் பல இடங்களில் இத்தகைய விண்மீன் கொத்துகளைப் பதிவு செய்துள்ளனர்.
கார்த்திகை போன்ற திறந்த நிலைக் கொத்துகள் (Open Cluster), ஒமேகா செண்டாரி போன்ற உருண்டை விண்மீன் கொத்துகள் (Globular cluster) என இருவகையான விண்மீன் கொத்துகள் நமது அண்டத்தில் காணப்படுகின்றன. இவற்றில் சில கொத்துகள் வெறும் கண்களுக்குத் தெரியக் கூடியவைகளாக உள்ளன. சான்றாக ஒமேகா செண்டாரி விண்மீன் கொத்து (Omega Centauri Cluster). NGC 5139 எனப் பெயரிடப்பட்டுள்ள இது விண்மீன் கொத்துகளிலேயே பெரியதும், ஒளிமிக்கதுமாகும்.
ஒமேகா சென்டாரியில் எண்ணற்ற விண்மீன்கள் உள்ளன என முதன்முதலில் ஆவணப்படுத்தியவர் 'எட்மண்ட் ஹாலி' ஆவார். இதை அவர் 1677 இல் "சென்டாரஸில் ஒளிரும் இடம் அல்லது பகுதி" என்று பட்டியலிட்டார். 'லாகெய்ல்' இதைத் தனது பட்டியலில் I.5 எண் என குறித்துள்ளார். 'ஜான் ஹெர்ஷல்தான்' இதைத் துல்லியமாக கணித்து , 1830 இல் இது ஒரு குளோபுலர் கிளஸ்டர் என பதிவு செய்துள்ளார்.
15,600 ஒளி ஆண்டுகள் தொலைவில் உள்ள இது நமது சூரிய மண்டலத்திற்கு அருகிலுள்ள குளோபுலர் கிளஸ்டர்களில் ஒன்றாகும். 175 ஒளி ஆண்டுகள் விட்டமுடைய மிகப்பெரிய கொத்தான இதில் பல இலட்சம் விண்மீன்கள் இயங்கி வருகின்றன. 12 பில்லியன் ஆண்டுகள் பழமையான இவ்விண்மீன் கொத்தின் மையத்தில் இடைநிலை அளவிலான கருந்துளை (Black Hole) உள்ளதை ஹப்பிள் விண்வெளி தொலைநோக்கி மூலம் 2008 ஆம் ஆண்டில் எடுத்தப்படம் உறுதி செய்தது.
ஒமேகா செண்டாரி விண்மீன் கொத்து பழங்காலத்திலிருந்தே அறியப்பட்டு வந்திருக்கிறது. கிரேக்க வானியலாளர் டாலமி இதை இரண்டாம் நூற்றாண்டின் நடுப்பகுதியில் தான் தொகுத்த விண்மீன் பட்டியலில் இதைக் குறித்துள்ளார். ஜோஹன்னஸ் பேயர் விண்மீன்களுக்குப் பெயரிடும்போது அவற்றின் ஒளிரும் திறனை அடிப்படையாகக் கொண்டு விண்மீன்களுக்கு அவை இடம் பெற்றுள்ள விண்மீன் தொகுதிக்கு முன்னால் கிரேக்க எழுத்துக்களை வழங்கும் நடைமுறையைக் கொண்டுவந்தபோது, இந்தக் கொத்தை ஒரு விண்மீனாகத் தவறாகக் கருதி, அதை 'ஒமேகா செண்டாரி' என்று பெயரிட அப்பெயரே நிலைத்துவிட்டது.
தெற்கு வானில் ஆண்டின் சில மாதங்களுக்கு மட்டுமே தெரியும். இதைத் தமிழ்நாட்டிலிருந்து பார்ப்பது எளிது. தெற்கு அடிவானில் இயங்குவதால் நாட்டின் வடபகுதிகளிலிருந்து பார்ப்பது சற்றுக் கடினம். ஒமேகா செண்டாரி இருண்ட வானில் வெறும் கண்களுக்கு நன்றாகத் தெரியும். தொலைநோக்கியிலோ, இருகண் நோக்கியிலோ பார்த்தோமானால் அக்காட்சி உங்கள் வாழ்நாளில் மறக்க இயலாத அளவிற்கு அமைவது உறுதி.
இரண்டாம் நூற்றாண்டில் வாழ்ந்த 'டாலமிக்கு' தெரிந்தது அதே காலகட்டத்தில் இங்கு வாழ்ந்த வான்நோக்குநர்களுக்கும் தெரிந்திருப்பதில் வியப்பில்லை. அவர்கள் அதைப் பெயரிட்டு பதிவு செய்தனர், ஆனால் இங்கோ பாறைகளில் குறித்து வைத்தனர். அவ்வாறு பதிவு செய்ததைப் புரியாமலும் அறியாமையாலும் அவற்றை நாம் அழித்து வருகிறோம்.
(படம் 6)
(17-04-2020 அன்று இவ்விண்மீன் கொத்தை நாம் எடுத்தப் படத்தை இணைத்துள்ளோம்.
Gear detail :
Nickon D750 | 200mm Tamron | f2.8 | 4min x 18 subs | 15 dark, 10 flat, 10 bias | tracked by star adventurer | auto guiding asi | phd2 | staked by dss | processed in lr and ps.)
வியாமா எனப்படும் வெளி
புலிக்கரட்டிலுள்ள வானியல் தொடர்பான மற்றொரு குறியீடு 'வியாமா' என அழைக்கப்படும் வானம் அல்லது வெளியைக் குறிக்கும் ஓவியம். ஒரு சதுரமும் அதனுள் கூட்டல் குறியையும் மேலே இரண்டு வளைகோடுகளையும் கொண்டிருக்கும். சில இடங்களில் மேலே வளைகோடுகள் இல்லாமலும் காட்டப்பட்டிருக்கும்.
மதுரை மாவட்டம் கொங்கர் புளியங்குளம், திருவாதவூர், திண்டுக்கல் மாவட்டம் பழனியில் உள்ள கரடிக் கூட்டம் ஆகிய இடங்களிலும் வியோமா என்ற ஆகாயத்தைக் குறிக்கும் குறியீடுகள் பாறைஓவியங்களில் காணப்படுகின்றன. கொங்கர் புளியங்குளத்தில் மாயன் கோயிலில் அமைந்துள்ள பாறைப் பகுதியில் சதுரம் ஒன்று கூட்டல் குறியால் நான்கு சம பாகங்களாகப் பிரிக்கப்பட்டு ஒவ்வொரு சதுரமும் ஒன்றுக்கு மேல் ஒன்றாக மூன்று சதுரங்களுடன் காட்டப்பட்டுள்ளது. திருவாதவூரில் ஒவ்வொரு சதுரத்தினுள்ளும் ஒரு சதுரம் காட்டப்பட்டுள்ளது. இக்குறியீடு சிந்துவெளிக் குறியீட்டுடன் ( எண் L 39(A) ) தொடர்புடையது. தொ(ல்)லியல் அந்தரங்கம் என்னும் நூலில் குறியீட்டியல் அறிஞர் திரு. தி.லெ. சுபாஷ் சந்திர போஸ் அவர்கள் இந்த வியோமா குறியீடு குறித்து விரிவாக எழுதியுள்ளார்.
மெய்யப்பன் தமிழ் அகராதியில் வியோமாவிற்கு வானம் எனப் பொருள் கூறப்பட்டுள்ளது. இக் குறியீடுகள் காணப்படும் இடங்களில் இவை பார்ப்பவர்களின் தலைக்கு மேலே வரையப்பட்டுள்ளன என்பதும் குறிப்பிடத்தக்கது.
(படம் 7)
இக்குகையில் மற்ற குகைகளில் காணப்படுவது போன்ற வேட்டைக்காட்சி, விலங்குகள் ஓவியங்கள் இல்லாமல் அனைத்தும் வானியலோடு தொடர்புடைய ஓவியங்களாகவே உள்ளன. சூரியன், நிலவு, விண்மீன்களுடன், நின்றவாறுள்ள ஒரே ஒரு மனித உருவமும் காணப்படுகிறது. இந்த மனித உருவம் ஓரையான் உடுக்கணமாகும். கையில் ஆயுதம் ஒன்றைத் தாங்கியவாறு நிற்கும் இந்த மனிதனுக்கு அருகில் வேறெந்த மனித உருவமோ, விலங்கின் உருவமோ காணப்படவில்லை. பொதுவாக இத்தகைய ஓவியங்களில் கையில் ஆயுதத்துடன் ஒரு மனிதன் காட்டப்படும் போது அருகே அவனின் எதிரியையும் காட்டியிருப்பார்கள். ஆனால், இங்கு அவ்வாறு இல்லாமல் ஒற்றை மனிதனாகக் காட்டியிருப்பது அவ்வுருவம் ஓரையான்தான் என்பதை உறுதிப்படுத்துகிறது. அயல்நாட்டு பாறைஓவியங்கள் ஆய்வாலர்களும் இதை உறுதி செய்கின்றனர்.
(படம் 8)
ஓரையான் என்பது மனிதத் தோற்றத்திலுள்ள உடுக்கணமாகும் (Constellation). ஒரு கையில் ஆயுதம் தாங்கியவாறு உருவகப்படுத்தப்படும் இந்த உடுக்கணம் வானில் உயர்ந்து நிற்கும் காட்சி பார்ப்பவர்களைக் கவரும் வகையில் இருக்கும். இக்காட்சியால் கவரப்பட்டவர்கள் அதை ஓவியமாகப் பதிவுச் செய்திருக்கிறார்கள்.
வானியலுடன் தொடர்புடைய மற்றொரு அமைப்பும் இப்புலிக்கரட்டில் உள்ளது. குகையின் உள்ளே பாறைகளுக்கு இடையே ஒரு இடைவெளி தெரிகிறது. அங்கே லிங்க வடிவில் ஒரு கல் இருக்கிறது. அக்கல்லில் எப்போதும் சூரியஒளி பட்டுக்கொண்டே இருக்கிறது. அதாவது சூரியஒளி எப்போதும் படும் இடம் ஒன்று தேர்ந்தெடுக்கப்பட்டு அங்கே அந்தக் கல் வைக்கப்பட்டுள்ளது. நாங்கள் போயிருந்தபோது அங்கே சிவனடியார் ஒருவரும் கருப்புநிற பைரவரும் (நாய்) இருந்தனர். கபாலிகப் பிரிவைச் சேர்ந்த அந்த சிவனடியார் உடுக்கையை அடித்தவாறும் சங்கை ஊதியவாறும் வழிபாட்டை நடத்திக்கொண்டிருந்தார்.
பாறைக்கீறல்களில் உடுக்கணங்கள்
நீலகிரி மாவட்டத்திலுள்ள கொணவக்கரையில் உள்ள 'ஏர்பெட்' என்னும் பகுதியின் மலைச்சரிவில் குகை ஒன்று உள்ளது. இக்குகையின் பாறைச் சுவர்களில் பாறைக் கீறல் ஓவியங்கள் (Petroglyphs) காணப்படுகின்றன. நிறமிப் பொருள்களைத் திரவமாகக் குழைத்துப் பாறைகளில் வரையப்படும் ஓவியங்களைப் பாறைஓவியங்கள் என்கிறோம். அதுபோலவே கூர்மையான பொருள்களைக் கொண்டு தொடர்ந்து பாறைகளில் கீறுவதன் மூலமும் உருவங்களை ஏற்படுத்த முடியும். இவற்றையும் பாறைஓவியங்கள் என்போம். மேலும், இவற்றைப் பாறைக்கீறல் ஓவியங்கள் (Petroglyphs) என வகைப்படுத்துவோம். ஏர்பெட்டின் பாறைகளில் கீறல் முறையில் பல உருவங்கள் வரையப்பட்டுள்ளன.
(படம் 9)
அவற்றில் முதன்மையாக மனித உருவமும், தேளின் உருவமும், பாம்பின் உருவமும் கீறப்பட்டுள்ளன. இவை மட்டுமின்றி சூரியன், நிலவு, விண்மீன்கள் எனப் பல உருவங்களும் கீறப்பட்டுள்ளன. இவற்றில் மனித உருவில் இருப்பது ஓரையான் உடுக்கணமாகும் (Orion Constellation). தேள்வடிவில் காட்டப்பட்டுள்ளது தேள் உடுக்கணம் (Scorpius Constellation) அதாவது ஜோதிடத்தில் விருச்சிக இராசி என்பார்களே அது. தேள் உடுக்கணம் அளவில் பெரிய உடுக்கணங்களில் ஒன்றாகும். வானில் பார்க்கும் போது உண்மையான தேளின் உருவத்தைக் கொண்ட தேளின் உருவத்தை ஓரையானுக்கு அருகில் வரைந்திருப்பது பொருளுடையதே. வானில் மேற்கே ஓரையான் மறையும் வேளையில் கிழக்கே தேள் உதிக்கும். இந்தக் காட்சியைக் கிரேக்க புராணக் கதையொன்றில் பின்வருமாறு கூறியிருக்கிறார்கள்.
“வேட்டைக்காரனான ஓரையானின் கொட்டத்தை அடக்க பூமி, தேளை ஏவிவிட, ஓரையானுக்கும் தேளுக்கும் இடையே நடந்த சண்டையில் தேள் ஓரையானைத் தீண்ட ஓரையான் இறந்துவிடுகிறான்”.
(படம் 10)
இக்கதையின் காட்சியை அப்படியே வானில் காணலாம் மேற்கே ஓரையான் மறையும் போது கிழக்கே தேள் உதிக்கும், அதாவது தேள் தீண்ட ஓரையான் இறக்கிறான். ஓரையானும், தேளும் பெரிய உடுக்கணங்கள் அவற்றின் பெயர்களுக்கு ஏற்றவாறான தோற்றங்களைக் கொண்டவை. இவ்வுடுக்கணங்கள் வானில் உயர்ந்திருக்கும் காட்சி வான்நோக்குபவர்களைக் கவரக்கூடியவையாக இருக்கும். எனவே இவ்வான்தோற்றத்தைப் பார்த்துக் கவரப்பட்டவர்கள் அவற்றைப் பாறைகளில் ஓவியங்களாகத் தீட்டி வைக்க முனைந்திருப்பதில் வியப்பில்லை.
இரவு வானில் தெரியும் காட்சிகளில் அற்புதமான ஒரு மற்றொருக் காட்சி நமது பால்வெளி மண்டலம் (Milkyway Galaxy) ஆகும். இந்திய மரபில் ஆகாய கங்கை என்று அழைக்கப்படும் பால்வெளி மண்டலத்தினுள்தான் நமது சூரியக் குடும்பம் இயங்குகிறது. பூமியிலிருந்து பார்க்கும்போது இந்த பால்வெளி மண்டலம் நீண்டிருக்கும் புகைபோன்றும் அதனுள்ளே எண்ணிலடங்கா விண்மீன்கள் ஒளிர்ந்துகொண்டும் இருப்பது தெரியும். நீண்ட மலைப்பாம்பு ஒன்று வானின் ஒரு பகுதியிலிருந்து மற்றொரு பகுதிவரை படுத்திருப்பது போன்றும், அதன் உடலில் வைரங்கள் பதிக்கப்பட்டு அவை ஜொலிப்பது போன்றும் காட்சியளிக்கும். ஆனால், நகர்ப்புறங்களில் ஒளிவிளக்குகளின் வெளிச்சத்தால் இக்காட்சி நமக்குக் காணக் கிடைப்பதில்லை. ஒளிமாசற்ற இடங்களிலிருந்து இந்த காட்சியைப் பார்க்க முடியும். இக்காட்சியை மேலை நாட்டினர் வானில் பால் கொட்டப்பட்டிருப்பது போலக் கற்பனை செய்து பால்வீதி (Milky way) எனப்பெயரிட்டனர். இந்தியர்களோ இதை வானில் ஓடும் கங்கை ஆறாக உருவகப்படுத்தி 'ஆகாய கங்கை' என அழைத்தனர். இந்த ஆகாய கங்கை ஓரையானின் தலைக்குமேலே செல்லும். ஓரையானின் வடிவத்தை சிவனுக்குக் கொடுத்தவர்கள் ஓரையானின் தலைக்கு மேலே செல்லும் ஆகாய கங்கையைச் சிவனின் தலையில் கங்கா தேவியாக உருவகப்படுத்தினர்.
(படம் 11)
வான்நோக்குவதற்கு சிறந்த இடத்திலிருந்து பார்க்கும்போது ஆகாய கங்கையின் பாம்புபோன்ற தோற்றத்தைத் தவிர்க்க முடியாது. அதனால்தான் ஏர்பெட் பாறை ஓவியங்களில் பாம்பையும் வரைந்துள்ளனர் ஏர்பெட்டில் நாம் காணும் உருவங்கள் போன்றே ஆஸ்திரேலியப் பாறைஓவியம் ஒன்றிலும் காணமுடிகிறது. அங்குள்ளவர்களும் இக்காட்சியை வானியலோடு தொடர்புபடுத்தியும் நீண்ட பாம்புபோலக் காட்டப்பட்டிருப்பதைப் பால் வெளிமண்டலமாகவும் தான் கூறுகின்றனர்.
(படம் 12, (படம்13)
(காஷ்மீர் பாறைஓவியம் ஒன்றில் காணப்படும் ஓரையான்) முடிவுரை :
புலிக்கரட்டைப் பாறைஓவியங்கள் ஆய்வாளர் திரு க.த. காந்திராஜன் அவர்கள் கண்டுபிடித்துள்ளார். வெள்ளைநிற ஓவியங்களின் பின்னணியில் சிவப்புநிறக் கோட்டோவியம் ஒன்றும் உள்ளது. அதில் புலியின் உருவம் காட்டப்பட்டுள்ளது. அதனால் இக்குகைக்குப் புலிக்கரடு எனப் பெயரிட்டுள்ளனர் என்கிறார் திரு காந்திராஜன். கையில் ஆயுதத்தை ஏந்தியபடியுள்ள அல்லது ஒருகையைத் தூக்கியவாறுள்ள மனித உருவம் ஓரையான் உடுக்கணத்தைக் குறிப்பதாகும். பாறைஓவியங்களிலுள்ள எல்லா மனித உருவங்களையும் ஓரையானாகக் கருதமுடியாது. அவ்வோவியம் இருக்கும் அமைவிடம் அதனுடன் காணப்படும் மற்ற ஓவியங்களில் காணப்படும் வானியல் கூறுகள் ஆகியவற்றைக் கொண்டு உறுதி செய்யலாம். தமிழகப் பாறைஒவியங்களில் ஓரையான் மட்டுமல்லாமல் தேள், பால்வெளி மண்டலம் ஆகியவையும் காணப்படுவது சிறப்பானதாகும். புலிக்கரடு, கொணவக்கரை போன்ற வானியல் தொடர்பான பாறைஓவியங்கள் மேலும் இருக்கலாம். அவற்றைக் கண்டறிந்து முறைப்படி பதிவு செய்யவேண்டியுள்ளது.
-பாலா பாரதி
பார்வை நூல்கள்:
1. தமிழகப் பாறைஓவியங்களில் ஓரையான் என்னும் விண்மீன் தொகுதியின் பதிவுகள் - ஓர் ஆய்வு.
- பாலா பாரதி
2. தமிழக வானவியல் சிந்தனைகள் - முனைவர் திரு. ப.ஐயம்பெருமாள். உலகத் தமிழாராய்ச்சி நிறுவனம்.
3. தொ(ல்)லியல் அந்தரங்கம் - தி.லெ. சுபாஷ் சந்திரபோஸ்.
4. Astronomical Symbolism in Australian Aboriginal Rock Art
Ray P. Norris , Western Sydney University,
Duane Hamacher, University of Melbourne.
5. Astronomical representations in rock art: examples of the cognitive and spiritual processes of non-literate people. - Fernando Augusto Coimbra
"புலிக்கரட்டில் வானியல் குறியீடுகள்"
- பகுதி 1
மதுரை மாவட்டத்தில் உள்ள பாறைஓவியங்களைப் பதிவு செய்யும்போது புலிக்கரட்டிற்கு செல்ல வாய்ப்புக் கிடைத்தது. உசிலம்பட்டியிலிருந்து பேரையூர் செல்லும் சாலையில் வரகுணிக்கருகில் உள்ளது இந்தப் புலிக்கரடு . இக்குகையில் புலி இருந்திருக்க வேண்டும், அதனால் புலிக்கரடு எனப் பெயர் வந்திருக்க வேண்டும். இங்கு புலியின் சிவப்பு நிற ஓவியமும் வரையப்பட்டுள்ளது. பாறைஓவியங்கள் ஆய்வாளர் திரு காந்திராஜன் அவர்கள் கண்டுபிடித்த இவ்வோவியங்களை நண்பர் திரு இராசவேல் அவர்களின் துணையுடன் சென்றுப் பார்த்தோம்.
பெரும்பாலான ஓவியங்கள் வானியல் குறியீடுகளாகவே உள்ளன. இங்கு வானியல் தொடர்பான ஆய்வுகள் நடைபெற்றிருக்க வேண்டும். குகை கிழக்கு நோக்கி அமைந்துள்ளது, மேலும் இங்கிருந்துப் பார்த்தால் வானின் பெரும்பகுதி தெளிவாகத் தெரிகிறது. வான்நோக்குதலுக்கான சிறப்பான இடத்தைத் தேர்வுச் செய்துள்ளனர்.
எதற்கு வானை நோக்க வேண்டும்?
சிறந்த வான்நோக்குபவர்களாக விளங்கிய நம் முன்னோர்கள் அவ்வறிவைத் தங்களின் அன்றாட தேவைகளுக்கும் பயன்படுத்தினர். வெயில், மழை, காற்றடிக்கும் காலங்களைக் கோள்களின் இயக்கத்தையும், உடுக்கணங்களின் நிலைகளையும் கொண்டு புரிந்துகொண்டனர்.
இத்தகைய வான்பொருள்களுக்கு அவர்கள் வைத்த பெயர்களைக் கொண்டு நாம் இவற்றைத் தெரிந்து கொள்ளலாம்.
சான்றாக...
வியாழன் (Jupiter) என்பது நமது சூரியக்குடும்பத்தின் எட்டுக் கோள்களில் பெரியது. இக்கோள் பெரியது என உணர்ந்து அதற்கு வியாழன் எனப் பெயரிட்டுள்ளனர். வியாழன் என்றால் பெரியது எனப்பொருள்.
வியல்<வியன்<வியாழ(விசாலம்)<வி யாழன் என வேர்ச்சொல் விரியும்.
'வியல்என் கிளவி அகலப் பொருட்டே' (தொல்-உரி.16)
வியாபித்தல் என்றால் பெரிய இடத்தை நிரப்புதல் என்பது கருத்து. விசாலக்கிழமை என மக்கள் வழக்கிருக்கிறது. திருச்சியில் பெரியமேடு (நெய்தலூர் அருகில்) உள்ள ஒர் ஊரை வியாழமேடு என அழைக்கின்றனர்.
வானியலின் கூறுகளை புலிக்கரட்டில் எவ்வாறு பதிவு செய்துள்ளனர் எனப் பார்ப்போம்.
தொடரும்...
- பாலா பாரதி
பகுதி 3
"புலிக்கரட்டில் வானியல் குறியீடுகள்"
நிலவுக்கு அருகே சில புள்ளிகள் கூட்டமாகக் காட்டப்பட்டுள்ளன. ஏழு புள்ளிகள் கொண்ட இக்குழு கார்த்திகை விண்மீன் (Pleiades) கூட்டமாகும். வெறும் கண்களுக்கு நன்றாகத் தெரியும் இக்கார்த்திகை விண்மீன்கள் கார்த்திகைப் பெண்கள் எனப் புராணக் கதைகளும் உள்ளன. தொலைநோக்கி வழியே பார்க்கும்போது இருபதுக்கும் மேற்பட்ட விண்மீன்களைப் பார்க்க முடியும். வெறும் கண்களால் ஆறு, ஏழு விண்மீன்களை நம்மால் பிரித்துக் காணமுடியும். வானம் தெளிவாக இருந்த அக்காலத்தில் அவர்கள் இவற்றை இன்னும் எளிதாகக் கண்டிருப்பர். மழைக்காலத்துடன் தொடர்புடைய கார்த்திகை உடுக்கணத்தின் இந்தப் பதிவு பருவகாலங்களை அறிந்துகொள்வதற்கான முயற்சியாகவும் இருக்கலாம்.
இறைவனை இயற்கையில் கண்டவர்கள் வானாய், மண்ணாய், வளியாய், ஒளியாய், ஊனாய், உயிராய், உண்மையுமாய், இன்மையுமாய் எங்கும் நிறைந்திருப்பவனே என்கின்றனர். ஒரு மாதத்தில் உள்ள நாட்களை வானில் தோன்றும் 27 நாள்மீன்களின் பெயர்களால் வழங்கினர். அந்த நாள்விண்மீன்களில் ஒரு நாள்மீன்தான் கார்த்திகை.
கார்த்திகை விண்மீன் கூட்டம் திறந்தநிலைக் கூட்டம் (Open Cluster) ஆகும். நூற்றுக்கணக்கான இளவயது விண்மீன்களைக் கொண்டிருக்கும் போதிலும் அதிலுள்ள ஏழு விண்மீன்கள் ஒளி பொருந்தியவை. அவற்றை ஆங்கிலத்தில் Seven Sisters என்பர். அதிலும் ஆறு விண்மீன்கள் மிக்க ஒளிபொருந்தியவை. கார்த்திகை குறித்து இலக்கியங்களில் ஏராளமான தகவல்கள் கொட்டிக்கிடக்கின்றன.
கார்த்திகை நாள்மீன் கூட்டம் பெண்கள் காதில் அணியும் மகரக் குண்டலங்களைப் போல் ஒளிநிறைந்ததாய் இருந்தது என்பதை
“கார்த்திகை காதில் கனமகர குண்டலம்போல்
சீர்த்து விளங்கித் திருப்பூத்தல்”
என பரிபாடல் கூறுகிறது.
"அகலிரு விசும்பின் ஆஅல் போல
வாலிதின் விரிந்த புன்கொடி முசுண்டை"
நிலத்தில் பூத்திருந்த முசுண்டைப் பூக்கள் கார்த்திகை விண்மீன் கூட்டம்போல் ஒளி நிறைந்ததாய் மலர்ந்திருந்தன என்று மலைபடுகடாம் கூறுகிகிறது.
’ஆஅல்’ என்னும் சொல் கார்த்திகை என்னும் நாள்மீன் கூட்டத்தைக் குறிப்பதாகும். அழல் என்னும் சொல் கார்த்திகையைக் குறிக்கிறது என்பதனை
ஆடு இயல் அழல் குட்டத்து
(புறநானூறு 229)
என்ற புறநானூற்றுப் பாடலும் உணர்த்துகிறது.
இவ்வாறாக இலக்கியங்கள் உட்பட பண்பாட்டில் கலந்த கார்த்திகை விண்மீனைப் பாறைஓவியங்களில் பதித்திருப்பது இயல்பே.
இவ்வோவியம் போலவே உடுக்கணங்களைக் குறிக்கும் பாறைஓவியங்கள் வெளிநாடுகளிலும் கண்டுபிடிக்கப் பட்டுள்ளன. பிரான்ஸ் நாட்டில் லாஸ்காஸ் என்னுமிடத்தில் குகையில் இத்தகைய ஓவியம் ஒன்று உள்ளது. இவ்வோவியம் வரையப்பட்ட காலம் 17,000 ஆண்டுகள் என்கிறார்கள்.
...புலிக்கரட்டில் வானியல் குறியீடுகள்
தொடரும்..
- பாலா பாரதி
( நாம் எடுத்த கார்த்திகை விண்மீன் கூட்டத்தின் படத்தையும் இணைத்துள்ளோம்)
பகுதி 4
"புலிக்கரட்டில் வானியல் குறியீடுகள்"
புலிக்கரட்டு குறியீடுகளில் விண்மீன் கொத்துகளும் உள்ளன. பல புள்ளிகளுடன் வட்டமாகக் காட்டப்பட்டிருக்கும் இவற்றின் முப்பரிமானத் தோற்றம் உருண்டையாகும். இவை கோள விண்மீன் கொத்துகள் (Globular Cluster) வகையைச் சேர்ந்தவை. குகையின் பல இடங்களில் இத்தகைய விண்மீன் கொத்துகளைப் பதிவு செய்துள்ளனர்.
கார்த்திகைப் போன்ற திறந்த நிலைக் கொத்துகள் (Open Cluster), ஒமேகா செண்டாரி போன்ற உருண்டை விண்மீன் கொத்துகள் (Globular cluster) என இருவகையான விண்மீன் கொத்துகள் நமது அண்டத்தில் காணப்படுகின்றன. இவற்றில் சில கொத்துகள் வெறும் கண்களுக்குத் தெரியக் கூடியவைகளாக உள்ளன. சான்றாக ஒமேகா செண்டாரி விண்மீன் கொத்து (Omega Centauri Cluster). NGC 5139 எனப் பெயரிடப்பட்டுள்ள இது விண்மீன் கொத்துகளிலேயே பெரியதும், ஒளிமிக்கதுமாகும்.
ஒமேகா சென்டாரியில் எண்ணற்ற விண்மீன்கள் உள்ளன என முதன்முதலில் ஆவணப்படுத்தியவர் 'எட்மண்ட் ஹாலி' ஆவார். இதை அவர் 1677 இல் "சென்டாரஸில் ஒளிரும் இடம் அல்லது பகுதி" என்று பட்டியலிட்டார். 'லாகெய்ல்' இதைத் தனது பட்டியலில் I.5 எண் என குறித்துள்ளார். 'ஜான் ஹெர்ஷல்தான்' இதைத் துல்லியமாக கணித்து , 1830 இல் இது ஒரு குளோபுலர் கிளஸ்டர் என பதிவு செய்துள்ளார்.
15,600 ஒளி ஆண்டுகள் தொலைவில் உள்ள இது நமது சூரிய மண்டலத்திற்கு அருகிலுள்ள குளோபுலர் கிளஸ்டர்களில் ஒன்றாகும். 175 ஒளி ஆண்டுகள் விட்டமுடைய மிகப்பெரிய கொத்தான இதில் பல இலட்சம் விண்மீன்கள் இயங்கி வருகின்றன. 12 பில்லியன் ஆண்டுகள் பழமையான இவ்விண்மீன் கொத்தின் மையத்தில் இடைநிலை அளவிலான கருந்துளை (Black Hole) உள்ளதை ஹப்பிள் விண்வெளி தொலைநோக்கி மூலம் 2008 ஆம் ஆண்டில் எடுத்தப்படம் உறுதி செய்தது.
ஒமேகா செண்டாரி விண்மீன் கொத்து பழங்காலத்திலிருந்தே அறியப்பட்டு வந்திருக்கிறது. கிரேக்க வானியலாளர் டாலமி இதை இரண்டாம் நூற்றாண்டின் நடுப்பகுதியில் தான் தொகுத்த விண்மீன் பட்டியலில் இதைக் குறித்துள்ளார். ஜோஹன்னஸ் பேயர் விண்மீன்களுக்கு பெயரிடும்போது அவற்றின் ஒளிரும் திறனை அடிப்படையாகக் கொண்டு விண்மீன்களுக்கு அவை இடம் பெற்றுள்ள விண்மீன் தொகுதிக்கு முன்னால் கிரேக்க எழுத்துக்களை வழங்கும் நடைமுறையைக் கொண்டுவந்தபோது, இந்தக் கொத்தை ஒரு விண்மீனாகத் தவறாகக் கருதி, அதை 'ஒமேகா செண்டாரி' என்று பெயரிட அப்பெயரே நிலைத்துவிட்டது.
தெற்கு வானில் ஆண்டின் சில மாதங்களுக்கு மட்டுமே தெரியும். இதைத் தமிழ்நாட்டிலிருந்து பார்ப்பது எளிது. தெற்கு அடிவானில் இயங்குவதால் நாட்டின் வடபகுதிகளிலிருந்து பார்ப்பது சற்றுக் கடினம். ஒமேகா செண்டாரி இருண்ட வானில் வெறும் கண்களுக்கு நன்றாகத் தெரியும். தொலைநோக்கியிலோ, இருகண் நோக்கியிலோ பார்த்தோமானால் அக்காட்சி உங்கள் வாழ்நாளில் மறக்க இயலாத அளவிற்கு அமைவது உறுதி.
இரண்டாம் நூற்றாண்டில் வாழ்ந்த 'டாலமிக்கு' தெரிந்தது அதே காலகட்டத்தில் இங்கு வாழ்ந்த வான்நோக்குநர்களுக்கும் தெரிந்திருப்பதில் வியப்பில்லை. அவர்கள் அதைப் பெயரிட்டு பதிவு செய்தனர், ஆனால் இங்கோ பாறைகளில் குறித்து வைத்தனர். அவ்வாறு பதிவு செய்ததை புரியாமலும் அறியாமையாலும் அவற்றை நாம் அழித்து வருகிறோம்.
புலிக்கரட்டில் வானியல் குறியீடுகள்... தொடரும்.
(17-04-2020 அன்று இவ்விண்மீன் கொத்தை நாம் எடுத்தப் படத்தை இணைத்துள்ளோம்.
Gear detail :
Nickon D750 | 200mm Tamron | f2.8 | 4min x 18 subs | 15 dark, 10 flat, 10 bias | tracked by star adventurer | auto guiding asi | phd2 | staked by dss | processed in lr and ps.)
- பாலா பாரதி
பகுதி 5
"புலிக்கரட்டில் வானியல் குறியீடுகள்"
புலிக்கரட்டிலுள்ள வானியல் தொடர்பான மற்றொரு குறியீடு 'வியாமா' என அழைக்கப்படும் வானம் அல்லது வெளியைக் குறிக்கும் ஓவியம். ஒரு சதுரமும் அதனுள் கூட்டல் குறியையும் கொண்டுள்ள இக்குறியீடு பல கோயில்களில் திருக்குறியீடாகப் போடப்பட்டிருப்பதைப் பார்த்திருப்பீர்கள்.
மதுரை மாவட்டம் கொங்கர் புளியங்குளம், திருவாதவூர், திண்டுக்கல் மாவட்டம் பழனியில் உள்ள கரடிக் கூட்டம் ஆகிய இடங்களிலும் வியோமா என்ற ஆகாயத்தைக் குறிக்கும் குறியீடுகள் பாறைஓவியங்களில் காணப்படுகின்றன. கொங்கர் புளியங்குளத்தில் மாயன் கோயிலில் அமைந்துள்ள பாறைப் பகுதியில் சதுரம் ஒன்று கூட்டல் குறியால் நான்கு சம பாகங்களாகப் பிரிக்கப்பட்டு ஒன்றுக்கு மேல் ஒன்றாக மூன்று சதுரங்களுடன் காட்டப்பட்டுள்ளது. திருவாதவூரில் ஒவ்வொரு சதுரத்தினுள்ளும் ஒரு சதுரம் காட்டப்பட்டுள்ளது. இக்குறியீடு சிந்துவெளிக் குறியீட்டுடன் ( எண் L 39(A) ) தொடர்புடையது. தொ(ல்)லியல் அந்தரங்கம் என்னும் நூலில் குறியீட்டியல் அறிஞர் திரு. தி.லெ. சுபாஷ் சந்திர போஸ் அவர்கள் இந்த வியோமா குறியீடு குறித்து விரிவாக எழுதியுள்ளார்.
மெய்யப்பன் தமிழ் அகராதியில் வியோமாவிற்கு வானம் எனப் பொருள் கூறப்பட்டுள்ளது. இக் குறியீடுகள் காணப்படும் இடங்களில் இவை பார்ப்பவர்களின் தலைக்கு மேலே வரையப்பட்டுள்ளன என்பது குறிப்பிடத்தக்கது.
புலிக்கரட்டில் வானியல் குறியீடுகள்... தொடரும்.
- பாலா பாரதி
ஒமேகா செண்டாரி விண்மீன் கொத்து
Omega Centari Cluster
இவ்விண்மீன் கொத்துகளிளேயே பெரியதும், ஒளிமிக்கதுமாக விளங்குவது 'ஒமேகா செண்டாரி விண்மீன் கொத்து'' ஆகும். இதன் மையப்பகுதியானது குள்ள விண்மீன்திரள் (Dwarf Galaxy) ஒன்றின் உட்கருவாக (Nucleus) இருக்கலாம் என்றும், அண்மையில்தான் இது நமது பால்வீதி மண்டலத்தில் இணைந்திருக்க வேண்டும் என்றும் அறிவியலார்கள் கருதுகின்றனர்.
- பாலா பாரதி
Subscribe to:
Posts (Atom)













